Jóna Þórunn - Hrekkjalómur!

2010-05-18T20:48:00.002Z

2010-05-09T21:46:00.000Z

Nú eru Norðmenn búnir að banna notkun fiskimjöls í fóður fyrir jórturdýr. Gáfulegt að sleppa besta fáanlega próteingjafanum úr fóðrinu. Fiskimjöl er reyndar orðið svo dýrt að það er vart hægt að nota það í fóður, en það þýðir samt ekki að það eigi að banna það. Helvítis ESB-reglugerðir að drepa allt.

Ég er að lesa undir próf. Líffæra- og lífeðlisfræði 2 á miðvikudaginn, plöntulífeðlisfræði á mánudag í næstu viku og fóðurfræði á fimmtudaginn í næstu viku. Verður fjör að vera búin og komast í sauðburðinn.

Elding mín bíður eftir að komast suður. Hún er búin að vera lasin í 4 vikur núna og búin með 10 daga penisillín-kúr blessunin. Hestaflutningabíllinn verður ekki á ferðinni út af því að allir eru að afpanta út af veikinni. Hugsanlega sækir pabbi hana, sé til. Vona bara að hún komist heim sem fyrst, nenni ekki að láta hana hanga hér of lengi. Hún hefur gott af því að komast aðeins á sinu og nál í bland.

Svo þarf ég að tæma íbúðina og læra undir próf samtímis. Maður ætti kannski að fara að byrja; veit ekki hvort maður hafi tíma allra seinasta daginn. Ætla að vera komin suður á skikkanlegum tíma líka.

Núna í spilun: Susanne Sundfør - The Brothel.

2010-03-01T16:48:00.000Z

Kominn mars og ekkert er ég búin að blogga á árinum. Tími til kominn að taka smá törn fyrst ég er að læra undir próf.

Fyrsta próf er sem sagt á miðvikudaginn í líffæra- og lífeðlisfræði, ábuðarfræði á föstudag og kynbótafræði (ræktun búfjár) á miðvikudaginn í næstu viku. Svo fæ ég heilann dag í að sofa út og svo er búfjárræktarferð. Það verður fjör.

Ég ríð út og hef gaman að. Elding komin á Mið-Fossa og hún lætur allan heiminn snúast í kringum sig. :) Svo er spurning hvort maður fái einhver verkefni í hendurnar bráðum, það væri nú fjör nú þegar sólin er komin hátt á loft og nær loksins að skína almennilega yfir Skarðsheiðina.

Já, ég lét kjósa mig umsjónarmann heimasíðu nemendafélagsins vegna þess að það var enginn annar í framboði. Mikið er það nú ljúft að geta verið í stjórn en samt haft mjöööög lítið að gera. Stendur nú til að gera einhverjar róttækar breytingar á síðunni, t.d. þegar ég er búin í prófum. Kannski að maður nýti "sofa-út" daginn sinn í það. Kemur í ljós.

Svo skráði ég mig á námskeið um forntraktora 20. mars. Það á eftir að verða fróðlegt held ég. :)

En jæja, best að hendast út á bókasafn til að geta einbeitt sér almennilega að hormónum, kuðungi og blóði.

Núna í spilun: Síðan skein sól - Geta pabbar ekki grátið

2009-11-27T01:22:00.001Z

Kominn 26. nóvember og enginn snjór í augnsýn, sem betur fer. Haustið búið að vera nokkuð ljúft, amk. miðað við síðustu tvö haust.

Hrútauppboð og árshátíð um síðustu helgi. Hrútauppboðið var ansi fjörugt. Ég kíkti aðeins út í fjós, sármóðgaðist því Aþena vildi bara ekkert tala við mig. Svo var ekið á barinn (ég var bara afturí samt) og þar var ekki síður fjör. Á laugardeginum var blessuð árshátíðin. Ásmundur á Lambeyrum var veislustjóri og stóð sig bara þokkalegur sem slíkur þrátt fyrir enga reynslu. Sagði hinn og þennan brandarann um Árna Johnsen, fór með gullkorn úr minningargreinum og þuldi svo hvern brandarann á fætur öðrum yfir liðið. Þar áttu Símon og Nonni bakarinn heiðurinn af flestum hlátrasköllunum. Þeir gera ýmislegt fyndið. Árshátíðarmyndbandið var klassískt eins og alltaf og sat maður sveittur eftir þann hláturinn.

Borðhaldið var búið upp úr 10 og það þótti mér heldur snemmt. Samt var búið að teygja lopann ansi mikið með aukabrandörum. Svo hófst upp mikið ball og ég nennti varla að dansa einn einasta dans. Fékk svo pinnahæl af fullum þunga í ristina og þar með var algerlega úti um dansvonina. Takk feita belja sem steigst á mig.

2009-11-26T19:53:00.002Z

2009-10-14T12:05:00.002Z

Halló, halló, halló! Hvað er í gangi hérna eiginlega?

Önnin er búin og ég búin með tvö próf af fjórum; hrossaræktarprófið í seinustu viku og erfðafræðin í gær. Eftir hrossaræktarprófið dúndraðist ég heim til að taka þátt í hrútasýningunni sem var daginn eftir. Mjög hollt allt saman, völdum nokkur líflömb líka - eða upp í bóluefnislagerinn. Hann var ekki stór.

Erfðafræðin var í gær - var mest bara samansafn af gömlum prófspurningum og tvær nýjar ritgerðaspurningar; önnur um laktósa/tryptófan og hin um hvernig mætti erfðabreyta geit til að framleiða insúlín í mjólkinni. Tók hókípókí á seinni spurninguna og svaraði henni ekki nema með söng.

Á morgun er ég að fara í próf í almennri bútækni; þarf víst að byrja að læra. Gengur hálf hægt að finna elju til að lesa eitthvað.

Já, ég var s.s. búin að fara með Eldingu (greased lightning) heim og ætla að vera með Blæ á Mið-Fossum eftir áramót. Stella er með hann núna og var að fá Gáska Grettisson að auki svo hún getur farið að temja og vera með læti. Ég fæ kannski eitthvað að skjótast á bak með henni þegar hún fer að ríða þeim litla út.

Í sumar leit það út fyrir að 144 væri búin að vera og um réttir kom í ljós að 419 er með júgurbólgu. Hún þarf því að hverfa en á móti held ég að það sé rétt að setja þá gömlu á eitt ár í viðbót; hún er jú súper-kind og sérlega skemmtileg sem slík :D Svo verða gimbrarnar undan 419 settar á, veit ekki hvernig fer með gimbrina undan 547 og Byl...

Best að reyna að læra eitthvað meira. Langar svo í brjóstsykur samt!

Núna í spilun: Creedence Clearwater Revival - Fortunate Son.

2009-08-30T12:04:00.002Z

Just my luck, haha! Missti af réttunum í fyrra en núna er ég í fríi á miðvikudeginum áður og búin um hádegi á þriðjudeginum. Þá get ég brunað beint heim og gert eitthvað af viti bæði þriðjudagseftirmiðdag og miðvikudag, farið á móti safninu á fimmtudag og réttað á föstudag. Svo verður bara að koma í ljós hvernig mér tekst að fylgjast með í erfðafræði og tölfræði sem ég skrópa í :)

Djöfull hlakka ég til :)

2009-07-13T20:01:00.002Z

Löngufjörureiðtúrinn sem farinn var um helgina var eitthvað það skemmtilegasta sem ég hef á stuttri ævi minni gert. Farið var frá Hvanneyri á föstudaginn þegar Davíð og Guðrún (með Ólöfu í aftursætinu) komu með 2ja hestakerruna (sem reyndar rúmaði 6 hross) aftan í Land Cruiser 100 til að sækja Eldingu og Blæ. Smá stopp í Borgarnesi til að éta eitthvað og svo var lagt af stað vestur á Snæfellsnes. Rétt á undan okkur fór fiskflutningabíll og einn Trooper tók fram úr okkur. Svo vitum við ekki fyrr en flutningabíllinn er búinn að velta tengivagninum á veginum og þorskurinn út um allan veg. Við rétt dóluðum yfir slorið, en þó svo hratt að það slettist upp í framstuðarann, og héldum svo áfram. Þegar á Hjarðarfell er komið skellum við hestunum 5 í girðingu og förum í það að tjalda. Ég var búin að panta gistingu í tjaldinu hjá Stellu og Tomma sem komu ekki á staðinn fyrr en um hálf 1 um nóttina með Nankó-tjaldið (Nanoq) góða. Því var tjaldað og ég fór snemma að sofa og svaf vært á meðan Nonni bakari kjaftaði frá sér allt vit fyrir utan tjaldskörina.

Laugardagur reis bjartur og fagur; við þrjú vöknuðum í svitakófi enda blíðviðri mikið fyrir utan tjaldið. Við drifum í því að setja 5 gæðinga á 2ja hestakerruna og brunuðum með þá niður að Stakkhamri. Svo voru farnar tvær ferðir, með 6 hesta í hvorri ferð, fyrir Sirrý en hún lánaði hestlausum hross. Þegar öll hross voru komin niðureftir hófst mikil vinna við að gera alla tilbúna til útreiða og lagt var á í réttinni. Tommi fékk Eldingu lánaða, ég var á Blæ og Stella var með Lukku og Frama. Svo var riðið af stað; fyrstu 500 metrarnir gengu ágætlega eða þar til eitthvað rauðskjótt hross sleit sig tvisvar af teymingagjörðinni en það endaði með því að Diddi teymdi hana bara. Svo var riðið vestur eftir fjörunum og stoppað hér og þar. Veðrið var hreint dásamlegt: heiðskýrt en nokkur gola af sjónum - sem sagt frábær útsýni en ekki of heitt fyrir hrossin. Svo var riðið heim að Stakkhamri aftur og ég fékk að prófa Frama nokkurn spotta - hann hefur tamist mjög mikið frá því að ég prófaði hann á Hvanneyri í vetur. :) Svo var Elding orðin þreytt og Tommi fór á Frama og ég aftur á Blæ. Þá fengum við að binda Eldingu utan á Ísingu hans Nonna og svo fór að Stella teymdi Ísingu mest allan tímann meðan Nonni lék sér á Garfield bæði í sandinum og sjónum.

Þegar heim var komið var grillað og djammað fram eftir nóttu. iPod var tengdur við Nissan pallbílinn á Hjarðarfelli og blastaði hann alls konar stuðtónlist. Mikið var um skak og mjak og Lagerhreinsun í boði Nonna.

Sunnudagurinn var sannkallaður letidagur, vaknað um 9 og legið í sólbaði fram undir hádegi þegar við bröltum inn í bíl á átum hamborgara á Vegamótum og sóttum svo hrossin á Stakkhamri og brunuðum heim á leið eftir frábæra helgi. Ég svaf svo upp undir 15 tíma þá nótt - ætlaði að horfa á einn House-þátt en augnlokin voru of þung til að geta fylgst nokkuð með honum.

Sem sagt; frábær ferð og ég þakka ferðafélögunum kærlega fyrir helgina. :)

2009-06-24T23:14:00.002Z

Úps, best að blogga. Langt síðan seinast.

Prófin gengu þokkalega, náði öllu með glans og meira til. Var mjög sátt með 10 í örverufræðiritgerðinni; júgurbólga er þá bara mitt svið eftir allt, eða hvað?

Skrapp aðeins heim í sveitina milli prófa til að prófa sauðburðinn, hann virkaði. Gaf manni ágætis innspýtingu fyrir komandi vinnu hér. Svo byrjaði maður að vinna á helgidegi, daginn eftir próf. Það virkaði líka ágætlega og hefur gert hingað til. Nema þessa viku er ég á plöntugreiningarnámskeiði að tína einhverjar vesælar plöntur. Maður vorkennir þeim alltaf hálf í þá mund sem maður slítur þær upp með rótum, blessuð greyin. Mánudagurinn fór með Rikka hér á hlöðunum, í gær var það þurrlendið með Þórunni og votlendi með Birni í dag. Svo er skógurinn með Samson á morgun og loks Rikki á túnunum á föstudaginn. Komst í 99 plöntur í dag, stefni á amk. 105 svona til að hafa einhverja fallega tölu. Svo kemur í ljós hvort maður skili inn öllu sem maður hefur tínt.

Eftir skóla í dag hjólaði ég niður á engjar til að ríða út á Blæ sem ég er með í láni frá Stellu. Það er 6 vetra Óratorssonur, mjög ljúfur og skemmtilegur hestur. Og feitur! Hjúff, held það verði erfitt að trimma alla þessa fitu af, efast um að ég nái að klára það í sumar. Ég hafði ekkert riðið á honum og fór fyrst bara aðeins á bak inni í rétt fyrst. Fór svo á bak fyrir utan og reið stuttan reiðtúr til að prófa. Það gekk mjög vel. Hann fetaði og brokkaði mjög fínt og var mjög næmur á allar ábendingar. Svo þarf maður bara að lengja túrana meira og meira þangað til hann kemst í almennilegt form - þá er kannski hægt að biðja um tölt. :) Verður vonandi fjör.

Við skruppum í sund í Hreppslaug í kvöld og svo fórum við þrjár niður í Borgarnes á eftir til að fá okkur ís. Það var ansi ljúft. :) Svo er víst grill annaðkvöld.

En ætli það sé ekki best að koma sér í bólið; Skorradalur á morgun.

2009-05-08T21:11:00.002Z

Glósutarnir eru ekki skemmtilegar. Sérstaklega ekki ef maður er að lesa efnafræði.

Vetnun eða hersla fitu
Fljótandi fitur eru hertar með vetnun. Þá er H₂-mólikúlum bætt á tvítengi þannig að nýtt C-H-tengi myndast báðum megin. Þetta hækkar bræðslumark. Við þetta myndast trans-fita en þær eru ónáttúrulegar og teljast óhollar. Dæmi um umbreytta fitu er smjörlíki þar sem jurtaolía eða lýsi hefur verið hert.

Eladik-sýra er dæmigerð transfita. Við trans-tvítengi koma keðjurnar sitt hvoru megin við tvítengið sitt hvoru megin (eins og kall sem heldur annarri hendinni niður og hinni upp).

Oleik-sýra er dæmigerð cis-fitusýra. Með cis-tengjum eru hins vegar báðar keðjur sömu megin (annað hvort fyrir ofan eða neðan) og þá brotna þær um tengið (mynda horn). Þær raðast því ekki eins auðveldlega.

Núna í spilun: Destiny's Child - Survivor.

2009-05-07T20:34:00.002Z

Ég er ekki dauð úr öllum æðum þó mér sé svolítið kalt á puttunum.

Í dag var síðasti skóladagurinn fyrir próf og þar með síðasti skóladagurinn fyrir sumarfrí. Ég er samt varla að trúa því; vantar einhvern veginn allt vor í loftið. Eini tíminn í dag var örverufræði, eða svefntími eins og ég kýs að kalla hann. Mann syfjar alveg ótæpilega og í dag snéri Jóhanna sér að mér og hvíslaði “Nú man ég af hverju ég var hætt að mæta í þessa tíma”; þá var hana farið að syfja líka. Ótrúlegt að einn kennari hafi þessi áhrif á heilan bekk...

Dagarnir fara í að ríða út og klára síðustu törnina fyrir próf. Fór í tvo reiðtúra í dag. Ingimar bauð mér á Punkt og var það mjög gaman. Elding mín var líka mjög góð eins og alltaf. :)

En ætli maður komi sér ekki í það að læra undir lífefnafræðipróf; það veitir ekki af því tíminn er ansi knappur milli prófa.

Núna í spilun: MGMT - Kids.

2009-04-28T22:08:00.002Z

Var í einu kaflaprófi í vistfræði í morgun, mjög spennandi allt saman. Svo kom örverufræði, eða svefntíminn eins og betur myndi kallast. Ótrúlegt hvað rennur alltaf á mann svefnhöfgi þegar maður gengur inn í Vesturstofu eftir hádegi á þriðjudögum og fimmtudögum. Nú fór ég ekki einu sinni með tölvuna með mér svo slefið á glósubókinni var orðið ansi mikið undir lokin. Og ekki bauð veðrið upp á að opna glugga til að halda manni á lífi!

Búin að púsla saman tveimur skilaverkefnum í lífefnafræði núna í kvöld. Annars er ég ekki búin að afreka margt. Skrapp í hesthúsið að moka og gefa. Helst ætti ég að gera eitthvað smá í vistfræði, þrjú verkefni sem bíða. Sé til hvað gerist mikið í þeim efnum.

Svo vann ég folatoll undir Dimmi frá Álfhólum um daginn. Fékk Neglu frá Sauðá lánaða hjá pabba Stellu til að halda svo það verður spennandi að sjá í sumar og helst líka næsta sumar :D Ég vil helst að folaldið mitt, sem líklega verður jarpt (sem er ekki beint spennandi litur, en það er ekki margt í boði ef hesturinn er jarpur og merin rauð: jarpt, brúnt, rautt í þeirri líkindaröð), fæðist bara strax í sumar. :D Get ekki beðið!

Núna í spilun: Genesis - No Son of Mine.

2009-04-01T21:29:00.002Z

Jæja, miðvikudagur fyrir páskafrí. Gleði, gleði. Fór á bak Eldingu í dag eins og venjulega. Var óvenju góð blessunin. Tók tvo túra, fyrst með Stellu og Frama og svo fór Stella á Lukku. Mjög gaman. Svo var Elding orðin svo óð að komast heim undir lokin að ég réð vart við neitt.

Á morgun er síðasti skóladagurinn fyrir frí. Svo ætla ég að vera einstaklega löt á föstudaginn, skreppa norður á Söngvarakeppnina á laugardaginn og svo eitthvað hanga í Miðfirðinum á sunnudaginn og kannski kíkja á búskapinn á Sauðá. Verður vonandi mjög gaman. :)

Svo fer ég suður eftir helgi; hlakka til að sjá hvað mini-Jóna hefur stækkað mikið síðan ég sá hana síðast. Kannski skreppur maður út í hesthús eða í sveitina að brennimerkja og eitthvað... Annars er leti það næsta sem manni dettur í hug þegar maður hugsar um páskafrí. Og ekki má nú gleyma Grímu sinni. :)

Tókst að gabba bæði pabba og Eirík til að hlaupa 1. apríl. Sagði pabba að opna fyrir mér í bílskúrnum (sem hann og gerði samviskusamlega en til einskis) og Eiríkur fór niður í litla herbergi til að éta Drauminn sem ég hafði “skilið eftir” síðast þegar ég var í sveitinni. Ekki séns að ég geri svoleiðis; ég, nammisjúki andskotinn. ;)
Tók líka þátt í aprílgabbi með því að hringja í mann og segja að konan hans hefði dottið af baki. Aðeins og kvikyndislegt fyrir smekk okkar Stellu en hvað gerir maður ekki fyrir aðrar...

Best að gera eitthvað í eins og einu vistfræðiverkefni.

Núna í spilun: Gloria Estefan - Conga.

2009-03-22T20:26:00.003Z

Jæja, búfjárræktarferðin afstaðin og ég komin heim á ný. Byrjað var í hádeginu á föstudag og fyrsti sopinn tekinn á leið í Mosfellssveitina að skoða hestamiðstöðina í Dal. Þar voru hestahallirnar skoðaðar og Landsmótshesturinn Nátthrafn frá Dallandi tekinn til kostanna í reiðhöllinni. Glæsileg sýning. Næst var brunað í Þingvallasveitina að skoða Heiðarbæ. Þar bættust fleiri ferðalangar í hópinn áður en farið var niður í Flóa að éta kjötsúpu í Glóru. Hún var ansi heit eins og Davíð og vélindað fengu að finna. Næst var farið í Ölvisholt að skoða bruggverksmiðjuna. Þar rann ansi mikill ósíjaður bjór niður í mannskapinn. Ansi hresst teiti sem varð úr því. Svo var keyrt á Selfoss til að gista; ég dreif mig í steypibað og dró svo hundinn með í göngutúr til að hitta hina krakkana. Davíð og Guðrún vildu fá mig með einn rúnt um hesthúsahverfið og svo fór ég bara heim að sofa.

Laugardagur rann upp og byrjað var að opna bjór um kl. 9.00 í Jötun vélum. Næst var farið í Birtingaholt og þar var heldur hreinlegra en seinast þegar ég kom þar, enda sköfurnar allar á fullum glussa. Þar var boðið upp á fyrstu kjötsúpu dagsins, en önnur í ferðinni. Næsta stopp var á Hvolsvelli til að éta á sig gat á pítsuhlaðborði. Fórum þaðan út alveg útbelgd og lögðum af stað austur að Skógum þar sem átti að skoða féð hjá Hlyni. Þar er búið að breyta fjárhúsunum og nú á að verða hægt að gefa með flottum gjafa sem þau Guðrún Hildur eru að smíða. Afrúllari og talía frá Búvís, sáum nokkrar svoleiðis í ferðinni. Þar voru nýbakaðar og gómsætar, heimabakaðar kleinur og flatkökur með hangikjöti á boðstólum. Eitthvað gat maður lítið étið af þeim...

Næsta stopp var í kornþurrkunarskemmunni í Drangshlíð. 900 fermetra hús með stórri kornþró og tveimur kornþurrkurum. Sungnar voru klámvísur í hitakompunni í kjallaranum, þar voru strákirnir eins og síld í tunnu að syngja. Ég settist í fyrsta sinn um borð í þreskivél, ekki slæmt. Svo var boðið upp á... hmm, hvað ætli það hafi verið? Jú, KJÖTSÚPA og reyndar humarsúpa líka.

Næst voru það Kanastaðir í Landeyjum. Þar er óeinangrað hálmfjós með einum mjaltaþjón. Mjöööög spennandi, nema hvað það var kalt í því. Var komin með sultardropa á no time. Gaman að sjá hvað kýrnar voru hreinar og leið greinilega mjög vel á hálminum. Þar var reyndar Weelink-kerfi og rúllur, eitthvað sem ég held að gangi ekki almennilega. Virtist þó í lagi þarna.
Svo var farið í sundlaugina á Hellu til að sturta sig.

Svo var kíkt á Nýdönsk á 800 bar á Selfossi; frumraun mín í Selfoss-djammi satt best að segja. Fengum þar Hvanneyrar-VIP-sal og létum öllum illum látum. Dró svo með mér Carmeni, Nonna bakara og Sirrý í Pullarann til að éta upp úr 3.

Sunnudagur rann upp bjartur og fagur. Þá var farið í Egilsstaðakot til að grilla og frjósa af sér allt sem frosið gat. Næstur var Miðás í Ásahreppi. Þar er nýtt hesthús og reiðskemma og allt í tipp-topp standi. Mjög glæsilegt, bjart límtréshús.

Svo var strikið tekið heim á Hvanneyri. Tók engar myndir því myndavélin gleymdist.

Núna í spilun: Fleet Foxes - Mykonos

2009-03-03T13:42:00.002Z

Svo eru það fléttur og frumverur sem standa fyrir dyrunum svo ég kemst ekki út. Grasafræðipróf á morgun, veit ekki alveg af hverju við erum að læra um bakteríur og veirur í því... nægir ekki að fara í örverufræði á næstu önn?

Annars var mjög gott að komast á bak í gær eftir útreiðalausa helgi. Fór tvo hringi á Trítlunni, fyrst til að láta Frama hennar Stellu elta og svo til að láta Lukku tuskast í henni. Elding er nefninlega allt of feit enn, sama hvað ég hreyfi hana oft í viku. Er búin að biðja Ingimar um að draga aðeins úr gjöfinni svo það renni nú einhvern tímann af henni.

Gallsúrt graðhestaskyr er ekki gott, sama hvað maður bætir miklu sykri í það. Mæli ekki með því. Ullabjakk. :Þ

Núna í spilun: Foreigner - Waiting For A Girl Like You.

2009-02-28T14:36:00.000Z

Ég er að lesa fyrir frumulíffræðipróf sem verður á mánudaginn, komin í útfrumun (exocytosis) sem er það þegar bólur í frumunni flytja ýmis efni, t.d. prótein, út út frumunni fyrir tilstilli hormóna (kallast þá regulated secretory pathway), eða það stendur allavega á barbapabba-myndinni í bókinni. Barbafjölskyldan er mjög vinsæl í þessari bók.

Fékk neyðarkall frá Stellu í morgun þar sem merin hennar var komin með hrossasótt og Stella er fyrir norðan. Ég dreif mig í hesthúsið til að sinna litla greyinu og beið eftir dýralækninum. Lukka er búin að braggast mikið síðan í morgun og þau systkinin eru úti í gerði núna. Ég ætla að kíkja aftur á þau um kaffileytið og setja þau svo inn þegar sólin sest. Það er ágætis truflun og heldur manni vel við prófalesturinn...

Aldrei þessu vant er ég ekki að hlusta á neitt.

2009-02-17T13:07:00.002Z

Eitthvað þarf maður að blogga.

Fór heim rétt um hádegi á föstudaginn úr því að efnafræðikennarinn, sem reyndist vera með nýlegt bílpróf, treysti sér ekki til að keyra í skólann. Hjálpaði pabba að bóna nýja bílinn með Mjallarbóni frá helvíti. Eyþór leit svo á afturþurrkuna hjá mér þegar ég var búin að þrífa bílinn minn. Laugardagurinn fór í bóna minn bíl og pabbi kláraði þurrkustandið. Svo skruppum við út í Ræktó að sandblása stigbrettin af pabbabíl og ég grunnaði þau þegar heim var komið.

Ekki margt annað sem komst að alla helgina annað en bílar og heilsuspillandi efni. Það fækkar alltaf heilasellunum.

Núna í spilun: Chris Montez - Let's Dance.

2009-02-07T12:47:00.002Z

Það vill stundum verða þannig að maður gleymi að blogga; sérstaklega þegar er mikið að gera. Er að skrifa ritgerð í frumulíffræði sem gengur óþarflega hægt. Skilafrestur á miðnætti í kvöld á uppkasti og helst vil ég að ritgerðin sé “tilbúin” þá.

Svo er maður alltaf í hesthúsinu eitthvað að stússast; það tekur líka sinn tíma. Elding mín er bara úbersátt við að fara í reiðtúr. Ríð henni við hálfstangir og spangamúl, í boði Höllu. Það er mjög merkilegt allt, veit samt ekki hvað ég geri það lengi. Eldingu finnst nefninlega ekkert mjög gaman að hafa allan þennan búnað á hausnum á sér. Heldur varla haus yfir þessu öllu saman.

En það er kannski best að lesa aðeins meira í frumulíffræði; kenningin um nuclear matrix model og DNA er alveg farin að kalla “Hér er ég, hér er ég!”. Eða ekki.

2009-01-24T15:46:00.003Z

Ef fólk var ekki búið að átta sig á því þá tilkynnist það hér með: Ég elska Ubuntu. Alger snilld, bug fixes for the poor og læti. Uppfærði í dag/gær (byrjaði eftir miðnætti) í Intrepid Ibex og sé alls ekki eftir því. Eina sem þurfti að laga var alsa-oss; annars er þetta bara 100% gleði-gleði. :)

Núna í spilun: Gina G - Ooh Aah... Just A Little Bit

2009-01-22T10:08:00.002Z

Það er allt í lagi að mótmæla en þessi eignarspjöll sem voru unnin í nótt eru ekki í lagi. Nú vantar bara Björn Bjarnason með gúmmíkúlurnar sínar. Lögreglan er að reyna að vinna vinnuna sína og því á reiðin í samfélaginu alls ekki að bitna á henni. Þetta er að fara verða komið út í rugl.

Annars var ég í mjög fallegri en “óþarfri” jarðaför í gær. Merkismaðurinn Sverrir Heiðar var borinn til grafar og fylgdu honum rúmlega 700 manns. Staðið var út um allt safnaðarheimili og fylltist kirkjugarðurinn á Hvanneyri þegar kistan kom þangað.

En best að fylgjast með í vistfræði; verið að tala um nærveður.

2008-12-15T16:34:00.002Z

Fór að prenta út eins og 11 bls. af glósum fyrir tölfræðiprófið; það var annaðhvort að glósa allt eða prenta út allar glærurnar, en það hefðir gert amk. 120 bls. sem ég nota einungis í 2 tíma. Ágætis sóun það. Prentarinn fór að væla eitthvað um lítið blek en það sást sem betur fer ekki á síðunum góðu. Fékk 11 góðar bls. af retró glósum; skemmtilegast hefði verið að prenta út á gömlu grænu og hvítu blöðin sem maður þurfti að rífa í sundur. Þau voru snilld.

Núna er s.s. bara eitt leiðinlegt, kjánalegt, fáránlegt, heimskulegt, illa skipulagt, ljótt en létt próf eftir - svo bruna ég í sveitina að knúsa me-me, mu-mu og faxtækin. :)

Núna í spilun: DJ Tiësto - Elements Of Life.

2008-12-07T22:34:00.002Z

Meira flandrið á mér alltaf. Heima um nær hverja helgina og læti. Uss, ekki gott.

Dreif mig s.s. heim í gærkvöldi því tölvan hafði hug minn allan og ég gat ekkert einbeitt mér að prófalestri. Skildi tölvuna eftir á Hvanneyri, þó ekki í gangi eins og mér datt fyrst í hug... Gat eitthvað baksað við efnafræðina heima og svo var farið í barnaafmæli til Ævars. Lék mér í traktors-, bíla- og vinnuvélasafninu hans.

Lenti í hríðarbyl upp Kamba og yfir heiðina þegar ég kom aftur upp á Hvanneyri. Svo var dólað niður skíðaskálabrekkuna og alla leið í bæinn í einhverri halarófu. Ótrúlegt hvað fólk keyrir hægt, mætti halda að það gæti ekki notað almennileg dekk þegar loksins kemur snjór.

Núna í spilun: Interphase - Dr Feelgood 2003.

2008-12-03T23:02:00.002Z

Ég var að horfa á ansi góða mynd; Smart spæjara með hinum eitursvala Steve Carell. Besta mynd sem ég hef séð frá því að ég horfði á ... Indiana Jones í síðustu viku. Það þarf svo sem ekki mikið til að halda mér góðri - get þess vegna sleikt á mér nefið í marga klukkutíma.

Núna í spilun: Queen - Who Wants To Live Forever.

2008-12-02T23:14:00.002Z

Andskotinn, ég kem mér ekki í það að endurgera efnafræðiskýrsluna. Kláraði fyrrihlutann í dag með stelpunum og nú þarf ég að endurreikna allt með réttum mólmassa. Klaufinn ég sem kann ekki á vasareikni reiknaði byrjunina kolvitlausa og Tryggva yfirsást að reikna þetta líka til öryggis. Það kennir okkur bara eitt; jú - karlmenn eru kjánar og konur klaufar.

Mikið hlæ ég yfir niðurstöðunum út tölfræðiverkefnum í bekknum. Held að kennarinn elski tilviljanatöfluna (Appendix 1 í bókinni ef einhverjir tölfræðinördar skyldu lesa þetta) sína svo mikið að hún dragi bara út viðeigandi einkunnir á bilinu 4,9 til 9,2 og skelli á verkefnin. Alla vega virðist svo vera þar sem við stelpurnar gerum verkefnin saman og svörum nær alveg eins og samt fæ ég hærra en þær (sem ég er hvort eð er að herma eftir...) Samsæri.is

“Eigum við að ræða það eitthvað?”

Við Stella (sú “föla, rauðhærða”) trítluðum hér fram í land í smá hressilabb. Hittum þar æsispennt hross á amfetamíni. Þar var eitt sætasta folald sem ég hef nokkurn tíma augum litið; bleikálóttskjótt og alveg yndislega spakt. Jólagjöfin í ár. Hægt að versla það í Sjónvarpsmarkaðnum á níu þúsund, níu hundruð nítíu og níu krónur, án vsk. Eða ekki bara. Ég skal láta Trítlu-sætu duga í ár. :)

Sæta-besta :)
Núna í spilun: Múgsefjun - Lauslát.

2008-12-02T00:21:00.002Z

Vera Umbadóttir er borin og átti tudda

Ansi er nú gaman að fikta í Irssi. :)

Var á námskeiði í dag um NorFor og Huppu; gaman, gaman. Var reyndar eilítið þreytt fyrir hádegi, kom svo sem ekki að sök - náði mest öllu efninu og gat glósað á við hálfan kínverskan her. Huppa var svo eftir hádegi. Eitthvað bættist við af nýju efni, t.d. mjaltaathugun sem þarf eitthvað að kíkja á (Gefn mín skal helst vera efst í öðrum hópnum og Doppa í hinum ;)... ). Seinni hlutinn af námskeiðinu verður eftir áramót. Þá verður farið í frjósemi og ræktun og eitthvað í Huppu ef margt hefur bæst við.

Annað er kannski að þetta er síðasta skólavikan fyrir próf - svo bara próf. Er í síðasta prófi 16. des, fyrsti í sæðingum daginn eftir. Jólin byrja s.s. 16. des eins og alltaf :)

Núna í spilun: Baggalútur - Kósíkvöld í kvöld.

2008-11-13T18:47:00.002Z

Mjög fróðlegt oft að senda spenasýni í ræktun. Slæða mín var með S. aureus (að mig minnir) í HA, Staph. K í VA og S. uberis í VF. Merkilegt að það skyldi ekki vera bara E. coli eða eitthvað í þeim seinasta. Sem betur fer er bara há frumutala í HA, annars litist mér ekki á það.

Svo bar Embla sæta í dag, átti tuddaling. :)

Núna í spilun: Norman Greenbaum - Spirit in the Sky.

2008-11-04T23:26:00.002Z

Jæja, enn eitt bloggið - innihaldslaust og leiðinlegt eins og alltaf.

Var nú ótrúlega dugleg að læra í efnafræði í dag; gerði öll dæmin í 10. kafla og las slatta í 11. kafla fyrir morgundaginn. Þá verður örugglega enter-enter-enter-enter, 100 slög á mínútu við yfirferð á glærum. Fegin á meðan það er ekki öskrað í hljóðnemann “Heyriði þarna aftast? Heyriði örugglega? Á ég að teikna þetta aftur? Já? Nei? Eruð þið viss? Alveg viss? Sjáiði, er þetta nógu stórt?” Brr, fæ bara kjánahroll og krumlurnar herpast við tilhugsunina.

Næst á dagskrá held ég að sé heimferð, best að klippa kusurnar áður en þær verða eitt drullusvað. Langar líka að kíkja á nýja kálfinn, Huppa bar nefninlega á laugardaginn. Fyrir tímann eins og móðir hennar gerði alltaf. Hvernig kennir maður þeim að halda í sér?

Gefn á svo að bera næst, það verður svaðalega gaman. Júgurhraust kvíga sem fór yfir 7.000 kg á fyrsta mjaltaskeiði og ég á'ana! :D Best, nema að það vantar svolítið upp á verðefnin. En... hún getur ekkert verið fullkomin, halló! ;)

Núna í spilun: Dschinghis Khan - Dschinghis Khan.

2008-10-26T22:44:00.002Z

Dreif mig heim úr dæmatímum í efnafræði eftir hádegi á föstudaginn og skipti um dekk áður en ég fór upp í sveit að mjólka. Klippti þónokkur júgur með litlu klippunum (og reyndar hnakkann á Eiríki með drulluskítugum klippunum, hahaha!).

Smalamennska labbandi á laugardaginn, ansi var það nú erfitt og mikið til óþurftar þar sem ég labbaði Sveltra (fyrir neðan innri skriðuna) og upp Litla-Sveltri. Smá sveig niður brekkuna áður en ég kom fram að Hömrum og svo upp brekkuna og niður línuveg heim að hliði þar sem Eiríkur beið. Raf svo féð heim í gegnum Girðinguna með Axel og Þrúði, það var ansi hált að fóta sig upp Fagurhól að austanverðu. Þá var farið að vikta og júgurskoða rollurnar. Það tók mest allan daginn, rákum svo þann hóp innúr aftur.

Í dag rákum við heim það sem var á Móatúninu og völdum slatta af ásetningsgimbrum og tókum Kóng, Prins, Víking og Byl úr rollunum. Sú gráa mín undan 419 var sprautuð svo hún fær að lifa, blessunin :) Endaði svo daginn á að reka flestar ásetningsgimbrarnar og nokkrar rollur inn í beljukál til að hreinsa til.

Heima var kveðjukaffi fyrir Gísla bróður sem fer til Noregs með Norrænu á miðvikudaginn. Var svo komin á Hvanneyri um 9-leytið.

Núna í spilun: Dizzee Rascal and Calvin Harris - Chrome.

2008-10-18T23:18:00.002Z

Afmælið mitt tókst 100%; tæplega 20 manns í villtu flatbökuboði og svona. Ótrúlegt að ég skyldi hafa það í gegn að baka pizzur ofan í allt liðið, og þær kláruðust næstum. :) Gott mál. Hefði auðvitað ekki verið hægt án Stellu (eða Stelpu, eftir því hvað maður er búinn að fá sér marga bjóra), takk, takk!

Hildur og Tryggvi mössuðu tiltektina með mér í morgun, morgunógleðin var óbærilegt, satt að segja. Við Hildur drifum okkur í Hyrnuna til að éta sukkmat áður en ég „brunaði‟ heim, fór svo sem ekkert hratt yfir.

Í dag er ég búin að hjálpa litla bróður að sortera og henda fötum úr því að hann er að flytja til Noregs. Fór svo að hjálpa pabba að saga úti - hann er að fara að smíða einingar fyrir sumarbústaðinn okkar :)

Núna í spilun: The Who - Tommy Can You Hear Me?

2008-10-16T10:07:00.001Z

Kúabændur fá hækkun upp á 7,13 kr fyrir mjólkina. Mikið var! og þó meira hefði verið... Afmælisgjöf í lagi (þó að fréttin sé frá í gær).

2008-10-11T15:50:00.002Z

Fór í Bónus um hálf 1 í dag. Merkilegt hvað voru margir þarna inni, var varla hægt að fara um með körfu. Sérstaklega var þarna saumaklúbbur sem teppti alla ganga - enda bara á kjaftatörn í teinu þegar ég kom inn. Svo var þarna hress fjölskyldufaðir með alla fjölskylduna. Hann söng hástöfum með Páli Óskari sem söng „Allt fyrir ástina‟ í útvarpinu. Gott hjá honum.

Alltaf hressandi að fara svona í Bónus; maður sér alltaf eitthvað skrítið. Útlending með ofvirkni/athyglisbrest (eða bara bæði) sem fór um alla búð og leitaði að einhverju. Var aldrei með neitt í höndunum en var svo allt í einu kominn með fullt á kassann á eftir mér. Ég var að drepast úr ógeðslegri rakspíralykt (-fýlu) þegar hann var að borga og ég að troða í poka. Taka smá tillit sko, ég er ekkert í fjósafötunum í búðum...

Núna í spilun: Sunloverz - Shine On (Heiko & Maikos Gute Laune remix).

2008-10-10T13:24:00.000Z

Mikið er ég fegin að ég fór aldrei í fimleika.

2008-10-09T15:00:00.002Z

Ég vona svo sannarlega að ég sé ekki að verða veik; allavega ekki svona rétt fyrir próf. Vaknaði með vott af hálsbólgu í morgun en skellti í mig einu Strepsils og hellti upp á te til að taka með í tímann. Fékk mér svo hádegismat og lagðist upp í sófa til að horfa á fréttirnar á Stöð 2 og var nærri því sofnuð yfir þeim. Dreif mig því inn í herbergi til að lesa eins og eina leiðinlega grein fyrir Maður og náttúra. Rétt hafði það yfir hádegisfréttir í útvarpinu með að sofna og steinsvaf í 1 og hálfan tíma. Ekki gott.

Fyrsta próf er sem sagt á mánudaginn; Maður og náttúra. Tilgangslausasti áfangi sem ég hef nokkurn tíma verið í - og þá er nú mikið sagt. Ég tók t.d. Ferðalandafræði Íslands í F.Su. og marga kjánalega í Bændadeildinni.

Núna í spilun: Gigi D'Agostino - L´Amour Toujours.

2008-09-28T23:04:00.002Z

Holsteinkýr skráðar í Bandaríkjunum: Fleiri mjólkurpund, meiri fita, meira prótein. Hámarks hagnaður

Já, ætli þær séu undan Kaðli? Kæmi mér ekki á óvart. :)

Annars er myndin frá holsteinusa.com; þurfti að beita klækjum til að ná henni (lesist: skjáskot). Minnir dálítið á áróðursplakat frá bandaríska hernum eða Sovétríkjunum... ;)

Núna í spilun: The Beatles - Something.

2008-09-26T17:52:00.002Z

Já, já, föstudagur og ég hef ekkert afrekað í dag. Það er leiðinlegt að skrifa ritgerðir og þess vegna kemst ég ekki af stað.

En jæja, var búin í skólanum um hádegi og fór með Jóhönnu í Nesið eftir hádegi að versla fyrir grillveislu kvöldsins. Ákvað að kíkja hvort væri ekki til kökukefli í Hagkaupum ef mér skyldi nú detta í hug að baka vínarbrauð um helgina. Eina sem var til þar var eitthvað voða fancy teflon/plast-kefli sem kostaði morðfjár; 3.500 kr! Ég var ekki í svo mikill þörf á dýru kefli og plataði Jóhönnu til að athuga í Húsasmiðjunni. Þar var líka til plast-kökukefli - ekki mikið ódýrara; 3.200 krónur vildi búðin fá fyrir keflið. Ég hélt nú ekki.

Er hætt að selja gömlu góðu keflin sem hægt er að nota sem morðvopn í neyðartilvikum? Ætla að athuga í Europris; þar er alls konar drasl selt... og ódýrt.

Núna í spilun: September - Cry for You.

2008-09-21T13:09:00.002Z

Bóthildur bar í gær; kálfurinn var öfugur og þurfti að fá dýralækni í verkið. Reyndist kálfurinn dauð kvíga, gaman, gaman eða þannig. Júgurbólga í tveimur spenum. Held þetta verði leiðinda gripur.

Flétta bar svo í morgun á meðan Eiríkur og Magga mjólkuðu; átti lifandi kvígu. Held að Flétta geti orðið ágæt - undan Ljómu gömlu og Hræsing. Þó svo að Ljómalind systir hennar sé tík og Skræfa Hræsingsdóttir hafi verið leiðinleg.

MSN er nú meiri fréttastofan orðið, held að gemsareikningurinn minn hafi lækkað umtalsvert eftir að ég kenndi Eiríki að nota MSN ;)

Nú, svo byrjar Dagvaktin í kvöld! Ætla til Lindu að horfa. :)

Núna í spilun: Roxbury - What Is Love?

2008-09-18T22:43:00.002Z

Blogg eða eitthvað.

Seinasta helgi fór í að draga fé og svona skemmtilegt. Nauðsynlegt eftir letilíf á Hvanneyri, fékk harðsperrur eftir fyrsta daginn (sem var nú samt bara léttur). Mánudaginn tók ég hálfann í sveitinni, dró undan Trítlunni og skipti um spenagúmmí með Eiríki. Tjillaði svo á Selfossi, ókeypis matur og eitthvað áður en ég brunaði á Hvanneyri aftur.

Vikan er búin að vera stutt, skóli á þriðjudag, miðvikudag og í dag. Frí fram á þriðjudag :) Á reyndar að passa á morgun en ég stefni á að gera dálítinn skurk í verkefnum um helgina. Veitir ekki af því að létta aðeins á því; fáránlegt hvað kennurum dettur í hug að leggja fyrir mann. Við Stella fórum t.d. í dag að taka próf í Inngangi að búvísindum sem maður þarf að fá 10 á til á ná áfanganum. Ekkert minna sko. En á móti kemur að maður má taka þetta eins oft og maður vill... Hver vill það annars?

Eeeeeen, svo er stutt vika í næstu viku, verð þó upp á Hvanneyri þá helgi úr því að ég er búin að fara heim allar helgar frá skólabyrjun. Bensínið er ekki beint ókeypis á bílinn. Næsta vika þar á eftir er svo létt; ferð þrjá daga og eitthvað. Svo sveitin að raga fé og velja lömb til að skoða á hrútasýningu á mánudeginum. Vill svo skemmtilega til að ég er ekki í skólanum þann mánudag... :) Just my luck! fyrst ég missti af réttunum.

Núna í spilun: Men at Work - Down Under.

2008-09-05T21:33:00.003Z

Í venjulegu árferði væri ég á leiðinni í réttir næsta föstudag. En svo er ekki í þetta skipti því ég verð norður á Möðruvöllum þann dag og missi þannig af gleðinni. Samhryggist mér.

Ekkert svona í ár. :(

Núna í spilun: Linkin Park - Breaking the Habit.

2008-09-02T23:01:00.001Z

Alltaf þegar einhver segir eitthvað fáránlega heimskulegt fæ ég þessa mynd upp í hugann. epic faildog!

Núna í spilun: Slade - Born To Be Wild.

2008-08-31T23:24:00.004Z

Bloggi-loggi. :)

Er búin að vera lasarus frá því á föstudaginn, það er ekki gaman. Er samt mun skárri en í gær, þó ekki orðin góð.

Fór heim því það var í raun og veru ekkert að gerast á Hvanneyri. Ætlaði að vera voðalega dugleg að læra en það varð ekkert úr því, frekar en fyrri daginn. Tek bara á því á morgun ;)

Föstudagurinn dróst út af veðri, fór í bankann í Borgarnesi rétt fyrir lokun. Var þá búin að gera eitthvað smá í stærðfræðidæmum. Laugardagurinn fór í almennan lasleika, hálsbrjóstsykraát, niður fóru nokkrir íspinnar og slurkur af Malti. Fór svo á lappir í morgun þegar gömlu voru farin í bústaðinn að tína ber. Þá fékk ég mér frostpinna í forrétt og svo egg og beikon í morgunmat. Horfði aðeins á sjónvarp áður en ég skellti mér í sveitina að ná í stígvél og vatnsbuxur fyrir réttadaginn (sem verður fyrir haldinn fyrir norðan! af öllum stöðum...). Stækkaði hjá kusunum með Eiríki og talaði aðeins við Skvísu (henni fannst nýja lopapeysan mín bragðgóð) og fleiri snillinga. Flétta ávallt sæt og góð. Bóthildur er ekkert búin að stálma síðan ég sá hana síðast - fyrir tveimur vikum. Held hún beri ekkert. Þori auðvitað ekkert að veðja upp á það, en ef hún ber þá mjólkar hún bæði lítið og illa. Svo er hún líka geðvond og undan Fríðu, sem lifir bara á fornri frægð.

Svo er Húfa og hennar kálfur ljót. Þau eru húfótt! Og baugótt! Ekki er það til að bæta það...

Svo lenti ég á klukkutíma kjaftatörn við Eirík, það veitir ekkert af tímanum þegar maður byrjar að tala. Ok, 20 mínútur í síma. En þá er líka alltaf talað um það sama; “Hvernig hefur Spilling það?”, “Doppa best?”, “...og hvernig eru Ljómurnar?” Þetta eru engin geimvísindi, sko!

Núna í spilun: Dancing DJs - Fading Like A Flower.

2008-08-23T00:09:00.003Z

Doppa í góðum gír að vanda (mynd frá í vetur). Með henni eru Fríða, til vinstri, og Rauðsokka mín.

Ó, ljúfa líf - hvílíkt letilíf.

Hætti í sveitinni á mánudaginn, og er er búin að vera föst í Lazyboy-stólnum í stofunni síðan. Eina markverða sem ég hef afrekað er að fara með bílinn í skoðum (1 athugasemd; um lélega afturþurrku!). Ólympíuleikarnir eru alger snilld, sérstaklega þegar maður er með meira en 100 stöðvar. Samt velur maður alltaf sömu stöðvarnar, jú, norskurnar. Bestu lýsingarnar þar, nema kannski þegar Íslendingar eru að keppa í handbolta - þá fara Sammi og Hrafnkell á kostum. Norska sjónvarpið er með sérlega góð innslög, t.d. um heimsmethafa og fyrri Ólympíuleika; hver kom, sá og sigraði. Hver datt? Hvar varst þú þegar Vebjørn Rodal rústaði 800 metrunum árið 1996? Nostalgían í fyrirrúmi.

Í dag var ekki slegið slöku við eftir Reykjavíkurferð í gær. Farið á lappir snemma (pabbi var ekki einu sinni farinn í vinnunna, og þó, það er kannski ekki mælikvarði á tíma...), tekið til við sjónvarpsgláp og beðið eftir handboltaleiknum. Þá birtist pabbi í hádegishléinu og við hlógum og fögnuðum íslensku piltunum, glæsileg frammistaða! Helgi hringdi svo og spurði hvort þeir ættu nokkuð að fara aftur í vinnuna... hehe, letingjar. Ég fór því að viðra tíkina og pabba í Þrastaskógi, lentum reyndar í rigningu undir lokin.

Svo er búin að vera leti í kvöld aftur, horfði á undanrásir í 10 metra dýfingum karla (endursýnt), tók smá til í herberginu mínu (það glittir í mesta lagi í fermeter af gólfinu... segir sitt), þreif bæði klósettin fyrir Norðmannaheimsókn á morgun og lá í tölvunni, eins og alltaf.

En nú er komið tonnatak á augnlokin mín, verð að fara að sofa áður en ég sofna hérna í fatahrúgunni. Nenni engann veginn að bretta fötin saman aftur á morgun...

Núna í spilun: Rammstein - Eifersucht.

2008-08-13T22:02:00.002Z

“Mikið hefur Ibsen verið gott skáld.”

Við Eiríkur skruppu í smá bíltúr í dag, inn á Búðarháls og niður í hvelfinguna þar sem virkjunin á að koma. Hef séð hana áður handan Þjórsár, en þetta er samt magnað flykki þegar maður er kominn inn.

Svo var ekin leið inn Háls, gaman að sjá útsýnið þarna. Komumst hæst í ríflega 600 metra hæð áður en við snérum við. Svo var farið inn í Nýræktina inn á hafi, upp eftir línuveginu og svo niður að Hólaskógi. Yfir Hafið og svo fram í Gjá og yfir vaðið á Fossá. Náði að track'a nokkrar nýjar leiðir, bæði malbik og malarvegi. Er að mappa þetta í OpenStreetMap núna. :)

Kláruðum svo mest alla girðinguna innst á Móatúni núna í kvöld, vantar örfáa staura austast og ganga frá endanum og moka undir. Þá ætti þetta að vera fjárhelt næstu áratugina, handbragðið er svo gott ;)

Núna í spilun: Black Legend - You See The Trouble With Me.

2008-07-25T12:46:00.002Z

Hildur kom að ríða út með mér á miðvikudaginn og kom svo í kaffi á eftir. Henni fannst mjólkin eitthvað svo feit og finnst mér það ekki skrítið, enda fitan í tanksýninu í gær 4,81% ! Próteinið eitthvað óþarflega lágt og frumutalan í sama gamla ruglinu. Jæja, það kemur í ljós á mánudaginn hver mengar, klárum að vikta í fyrramálið og sýnin fara í búið með mjólkurbílnum á morgun.

En kusurnar eru komnar á grænfóður við Hamragil, fóru þangað fyrst um hádegi á miðvikudag. Voru ekkert að flýta sér niðreftir í morgun, tóku sér smá átpásu á melnum við vegamótin. Arfinn alltaf freistandi, verst hvað er kominn mikill húsapuntur þarna. Ótrúlegt samt hvað þær hakka hann í sig... ný grænfóðurtegund?

Núna í spilun: DJ Antoine - Arabian Adventure 2.

2008-07-06T11:17:00.003Z

Ég man ekki hvar ég las það en einhvers staðar var það amk, hvort sem það var í Velvakanda eða annarri klausu í Mogganum eða aftarlega í Fréttablaðinu/24 stundum... En allavega, þá var einhver kelling að kvarta yfir lélegri sjónvarpsdagskrá og ef hún yrði bætt þá myndi ólöglegt niðurhal á netinu minnka og þar með ynnu allir, bæði þeir sem eiga höfundarréttinn og þeir sem vilja fá sér góða kvikmynd [etc.]. Svo endaði hún á því að með bættri sjónvarpsdagskrá væri meira hægt að taka upp á vídjó, eins og það sé eitthvað minna ólöglegt en niðurhal á netinu. Haha!

Núna í spilun: The Ark - Clamour for glamour.

2008-06-22T13:12:00.001Z

Æ, það gleymist alltaf að blogga. Það er ekki gott :(

2008-05-13T11:51:00.002Z

Var að koma úr prófi og er að fatta það að maður hefði átt að læra í upphafi að skrifa með báðum höndum, þá væri maður orðinn nokkurn veginn jafnvígur og gæti skrifað próf án þess að taka “hrista-blóðið-fram-fingurgóma-aftur”-pásur. Þurfti að skrifa nafnið mitt alls 5 sinnum á prófið þannig að þið getið ímyndað ykkur umfangið.

Núna í spilun: 2Pac - Changes.

2008-05-12T19:10:00.001Z

Maður er óttalega tímalaus svona á vorin; áttar sig ekkert á því hvað tímanum líður. Núna er kl. t.d. meira en sjö og mér finnst rétt vera komið kaffi. Það er eitthvað með það hvað dagurinn er orðinn langur, og jú, líka hvað maður fer seint á lappir. Það er dauðasynd.

En ég er eitthvað búin að lesa í dag, hefði að sjálfsögðu mátt vera meira. Kvíði hálf fyrir morgun og hinn-deginum; þá þarf að læra undir próf og helst taka til líka. Ætli ég láti það ekki drasla örlítið lengur.

2008-05-11T18:40:00.003Z

Læra, læra, læra! Ég er ekki að því, sko. Vantar alveg þennan neista sem var í mér á fimmtudaginn fyrir sauðfjárræktarprófið; sat allan daginn einbeitt yfir skóla.is, eða amk. þangað til Ásrún kom í heimsókn um 1. Þá var litið upp. Svo kom Halla og ég bjó til kaffi. Svo gerðist voðalega lítið, tók samt smá törn fyrir háttinn.

“Athyglisbrestur á háu stigi” sagði ég við Sibbu í morgun þegar hún spurði hvort maður væri haldinn athyglisbresti ef maður héldi ekki athyglinni yfir heilli glæru í einu. Ég hef ekki lesið eina einustu glæru í dag, hef látið nokkrar síður í Fagfræði í mjólkurvinnslu duga. Hrikalega er það þó leiðinlegt efni. Hverjum er ekki sama þó að fitukúlurnar í mjólk brotni í minni einingar við fitusprengingu? Passa fríu fitusýrurnar, já, já!

Þegar ég útskrifast hérna verð ég meira með doktorspróf í YouTube en búfræðingur. Facebook kemur rétt á eftir og Bubbles á Leikjaneti fylgir fast á hælana. Hvað var málið með vambarherinn, styður hann ríkisstjórnina?

Auk þess er mér illt í rassinum á því að sitja á þessum harða stól. Hver kom með hann hingað?

Ég ætla að bursta tennur eða eitthvað álíka skemmtilegt. Gaman, gaman.

Núna í spilun: Rihanna - Don't Stop the Music.

2008-05-10T11:18:00.002Z

Meira æðið sem er komið í mig að hlusta á einhverja tölvutónlist. Það er ekki heilbrigt til lengri tíma litið.

Próflokadjamm hjá háskólanum var hresst og tekin pítsutörn á eftir. Umræðuefni kvöldsins var Facebook og “þúst, við eigum 1 mutual friend”, og Gísli bróðir. Hvað er málið með það? ;)

Núna í spilun: Darude - Sandstorm.

2008-05-09T11:56:00.002Z

Í tilefni þess að ég sat næstum 3 tíma í sauðfjárræktarprófi hrærði ég mér eggjaskyr í hádegismat. Núna er maður meira en hálfnaður og bara kusur, glussi og ónytjaskógrækt eftir. Móðgist þeir sem móðgast vilja af þessum nöfnum en þetta er mín sýn.

Jæja, best að slaka á og taka svo til. Rigningin er ekki boðleg núna, kannski trítlar maður smá hring á eftir ef maður nennir.

Núna í spilun: DJ Dream - Hoppesangen.

2008-05-08T18:44:00.001Z

Það er hreint ótrúlegt hvað mér þykir fiskur lítill matur, en ég steikti nú fisk í raspi í matinn. Hann er ekki beint góður en eggjakakan bætir þetta upp. Spurning hvort maður eigi að splæsa dágóðri tómatsósuklessu með þessu úr því ég gleymdi að steikja lauk með...

Núna í spilun: Dire Straits - Boom, Like that.

2008-05-07T18:34:00.001Z

Grey Mariah Carey, hvað hún hefur fitnað frá því hún söng Ken Lee.

Núna í spilun: Sú búlgverska - Ken Lee. :D

2008-05-06T19:37:00.001Z

Æ, RÚV að missa sig. Í gær bölvaði íþróttafréttamaðurinn í beinni og núna er konan í Kastljósinu í ofvirknikasti. Grey fólkið...

2008-05-06T14:07:00.001Z

Eini lesandinn minn er búinn að lesa síðustu færslu svo það er óhætt að blogga aftur.

Þetta:

og þetta:

á að heita að sé sama lagið. Hvort er nú skárra?

Núna í spilun: Pakito - Living On Video.

2008-05-06T11:03:00.003Z

Enn og aftur er vegið að lýðræðinu í landinu. Nú hafa helmingur kosningabærra manna í Flóahreppi skrifað undir undirskriftalista gegn Urriðafossvirkjun en samt segir oddvitinn að það megi ekkert vera lýðræðislegt í þessu máli heldur eigi hann og hans klíka síðasta hálmstráið hvort virkjunin fari inn á aðalskipulag eða ekki. Þetta er meira en lítið gruggut þarna niðufrá...

Annars var ég í prófi áðan í áfanga sem ætti að vera próflaus. Prófið gekk út á það að rökstyðja skoðun sína. Ég hélt reyndar að ég væri ekki í Lífsleikniprófi heldur Endurræktun túna, en jæja, mér er greinilega eitthvað farið að förlast. Réttast væri bara að koma með próf í Félags- og stoðkerfi landbúnaðarins, það er miklu meiri prófáfangi en þessi...

Já, og svo finnst kennurum alltaf jafn gaman að trufla mig í prófi. Nú var mér réttur blaðabunki til að hafa undir prófinu mínu svo ég væri ekki með eins mikil læti þegar ég skrifa (hamra blýantinn á blaðið rétt eins og þegar ég pikka á tölvuna), en á móti er kennarinn með meiri læti og vesen þegar við erum í prófinu og truflaði frekar mikið.

En já, ég ætla að slaka á með bústjórnarefnið, ekki það að það sé slakandi en...

2008-05-05T10:58:00.002Z

Jæja, búin með beitarfræði, þá eru það bara 6 próf eftir. Jibbí :)

Núna í spilun: Greifarnir - Útihátíð.

2008-05-04T12:31:00.001Z

Mikið er nú gott að fá þessa rigningu fyrir jörðina :) Mætti rigna í svona viku í viðbót og svo sól.

Núna í spilun: DJ Dream - Hoppesangen.

2008-05-03T12:47:00.002Z

Ansi voru nú Hvanndalsbræður góðir í gærkvöldi, tær snilld! Tóku hverja snilldina á fætur annarri, byrjuðu kvöldið á Svarfdælskum bændum með ljósmyndastoppi í miðju lagi. :) Svo var farið með gamanmál og margt fleira, fannst þó fúlt að fá ekki Ég elska þig bollan þín, en jæja. :)

2008-04-27T14:13:00.003Z

Ég er ótrúlegur durgur, var fyrst núna að panta útskriftarhúfurnar okkar. Mér er ekki treystandi fyrir nokkrum sköpuðum hlut, enda fæ ég aldrei nein verkefni í hendurnar ;)

Jæja, ég þarf eitthvað að halda áfram.

Núna í spilun: Hvanndalsbræður - Ég elska þig bollan þín.

Ég elska þig svo mikið
að ég gæti næstum dáið
þrátt fyrir all spikið,
þú veist á ég þig þrái.
Það er svo gaman að sjá þig hlæja,
þó það vanti nokkrar tennur,
þá læt ég mig þig nægja,
aldrei burt frá mér þú rennur.

Og þú veist, að þrátt fyrir alla gallana,
ég elska þig.
Af því þú bakar svo ljómandi góðar kökur,
bakar svo ljómandi góðar kökur,
bakar svo ljómandi góðar kökur, já...

Hresst :)

2008-04-26T20:28:00.002Z

Grey Suður-Þingeyjingar; sameining á næstunni. En jæja, þetta kalla þeir yfir sig.

Hvað ætli nýja nafnið verið? Aðaldælasveit eða Þingeyjarhreppur? Giska samt á Suðurþing sem mótvægi við Norðurþing (sem drógu Húsavík með sér norður).

Núna í spilun: Bruce Springsteen - Human Touch.

Annars er ég stolt af þeim sunnlendingum að hafa komið hliðinu upp sem fór heim fyrir páska :) Húrra!

2008-04-19T16:42:00.000Z

Mig langar að fara að plægja.

Núna í spilun: Notorious B.I.G. - Mo Money, mo Problems.

2008-04-19T10:16:00.002Z

Jæja, ég kláraði Búbótar-verkefnið í gær nokkurn veginn, átti þó 5 reikninga eftir og var í mínus 4 milljónum á bankareikningnum. Nú er bara að demba sér í beitarskipulag og búvélafræðiritgerð upp á 15 bls. ca.

En fyrst ætla ég að fá mér morgunmat.

Núna í spilun: Simon and Garfunkel - Bridge Over Troubled Water.

2008-04-12T23:40:00.003Z

Ég er að gleyma hinu og þessu núna. Kveikti á Amarok til þess að hlusta á eitt lag; þegar forritið loks hrökklaðist í gang mundi ég ekki hvaða lag ég ætlaði að hlusta á. Gaman!

Fann samt tvö önnur góð :)

Ég get nú ekki sagt að letin hafi verið allsráðandi í dag en hef samt ekkert lært eins og ég ætlaði. Fór út í morgun að raka afklippur af hekkinu og svo var farið að kaupa frisbí handa Grímunni og tekinn rúntur upp í sumarbústað. Smurði keðjuna á hjólinu mínu og pumpaði í dekkin.

Núna í spilun: Eric Prydz - Call On Me.

2008-04-08T19:59:00.002Z

Ég fer að líkjast Gísla bróður meira og meira. Ávallt að týna einhverju dóti, lofar ekki góðu! Núna síðast er það snúran fyrir myndavélina mína, gleymdist á Selfossi eftir páskana. Ekki gott. Á fullt af flottum fjárhúsamyndum á kortinu og þyrfti að nota nokkrar þeirra í verkefni sem á að skilast í kvöld (en við Nonni bakari skiluðum því reyndar í gærkvöldi).

Í dag var skroppið til Reykjavíkur eftir hádegi, fékk þar með Reykjavíkur-skammt ársins. Fórum að Korpu að skoða tilraunareiti (auðvitað ekkert komið af stað), bygg í gróðurhúsinu, ólíkar korntegundir, möltun á byggi og hreinsun þess og svo „smá“ glærusýningu. Allt saman gott og gilt, enda Jónatan Hermannsson enginn aukvisi í þessum málum.

Ég þarf að klára klúðurslega bústjórnarverkefnið á eftir. Fyrsta verkefnið hér sem mér er alveg sama um hvað ég fæ fyrir, þetta er eitthvað svo tilgangslaust.

Svo er af því að frétta að í Gnúpverjahreppnum góða eru 2 jarðir til sölu. Það held ég að hafi ekki gerst í langan tíma (tvær í einu that is...). Vona bara að sú þriðja fari á sölu bráðum, það væri gaman að sjá svolítið meira gras í högunum þar. :) Og nei, ég er ekkert vond þegar ég segi það, þetta er bara satt!

En jæja, á nógu er að taka. Þarf að teikna eins og eitt túnkort með meiru.

Núna í spilun: Erasure - Abba Esque.

2008-04-07T18:27:00.000Z

Reiknaðu launagreiðslugetu meðalkúabúa á tímabilinu 1992-2006. Reiknaðu með 8% arðsemiskröfu (4% verðbólga + 4% ávöxtun). Deildu launagreiðslugetunni með kúafjölda til að finna launagreiðslugetu kúabúa per kú. Ekki gleyma að breyta öllum tölum samkvæmt vísitölu 2006 (sjá www.hagstofa.is, sjá 9. Verðlag og neysla). Settu tölurnar fram í línuriti með tveimur y-ásum, þar sem kúafjöldinn er sýndur með stöplum en launagreiðslugeta per kú með línu.

Já, enn eitt ruglið í þessum skóla. Ef ég vildi læra hagfræði hefði ég farið í Háskóla Íslands eða eitthvað álíka.

Núna í spilun: The Mars Volta - The Widow.

2008-04-05T17:12:00.002Z

Þetta litla sem ég hef heyrt af nýju plötu Gnarls Barkley lofar bara góðu. :)

Annars var þrusufínt grímuball í gærkvöldi, fámennt en góðmennt. Var komin hingað heim eitthvað eftir 4 eftir viðkomu í Sóltúninu. Svo stóð maður sig í að sofa út í morgun, það var ansi notalegt.

Núna í spilun: Gnarls Barkley - Run.

2008-04-04T13:50:00.003Z

Ég réðist í blogguppfærslu á laugardaginn og reiknaði ekki með því að lesendur væru með aðra upplausn í tölvum sínum en þá sem ég nota. Smá bömmer.

En í gær var verið að klára að rýja í Geldingaholti svo ég dreif mig heim á miðvikudagskvöldið og tók þátt í herlegheitunum. Alltaf jafn gaman að því. Prins tók svo undir sig stökk og sveif út úr hrútakrónni, snerti ekki einu sinni grindina! Hann var greinilega orðinn svangur, greyið.

En í gær gerðist ég svo félagsfræðingur og keyrði í rólegheitum (90 km/klst) upp á Hvanneyri. Það var hreint ótrúlegt hvað allir tóku fram úr manni, mætti halda að maður hafi verið á traktor á 40 km hraða eða eitthvað. En gaman að því, maður eyddi ekki miklu eldsneyti á meðan, enda verðið ótrúlegt þessa tíðina.

En jæja, ég þarf að gera tvö stutt verkefni fyrir miðnætti. Best að vinda sér í það og skreppa svo á eitthvað tjútt í kvöld. Er með fótboltagallann kláran inni í skáp :)

Núna í spilun: Hvanndalsbræður - Gengið daga.

2008-03-31T20:52:00.002Z

Maggi og Gormur
Allir að kjósa Magga þegar þar að kemur ;)

Núna í spilun: Maggi bóndi - Kremkex.

2008-03-29T11:09:00.002Z

Í gær sótti ég um háskólanám við Landbúnaðarháskóla Íslands og daginn þar áður skellti ég inn umsókn um húsnæði næsta vetur. Það verður fróðlegt að sjá hvort ég fái í fyrsta sinn rétt húsnæði hér á Hvanneyri...

Núna í spilun: Vinir vors og blóma - Maður með mönnum.

2008-03-23T20:57:00.000Z

Ég er ansi þreytt eftir langan dag á skíðum. Held ég liggi í leti fram eftir degi á morgun...

2008-03-17T22:51:00.002Z

Einhverfur dagur í sveitinni :)

Svo ég leiðrétti allan misskilning, þá fer plastið ekki fyrr en á fimmtudaginn en Rósa á morgun. Árvökult auga eins blogglesarans (já, það er einn heill! magnað...) vildi koma því á framfæri. Ég fór s.s. með fleipur fyrr í dag.

Hættu að lesa yfir öxlina á mér, karlfauskur! (a.k.a. Eiríkur)

2008-03-17T15:11:00.002Z

Það er einhver smitsjúkdómur að ganga í bloggheimum, hver bloggarinn á eftir öðrum að gefast upp og hætta. Ég er nú vonandi bólusett við því (var þetta ekki tvívirk sprauta sem ég fékk þarna um árið, með heilahimnubólgunni?!?)... :) Allavega ekki alveg á því að hætta núna.

Það er bara leti í gangi hérna, tætti ullina af tveimur hrútum á laugardaginn, viðruðum traktorana og rólegheit í gær og svo rúði ég Roða með vasahníf áðan. Stendur reyndar til að ganga frá plastinu í dag. Fer á morgun, svo fer Rósa líka í sláturhúsið. Leiðindaskepna alger en mjólka getur hún! 6.500 kg eftir fyrsta árið er nú bara sæmilegt, miðað við það að vera undan nauti sem er með ~58 fyrir skap...

Núna í spilun: Rihanna ft. Sean Paul - Break It Off.

2008-03-11T20:05:00.001Z

Það verður að segjast að ég er lúin eftir daginn...

Núna í spilun: The Shins - Phantom Limb.

2008-03-09T13:54:00.002Z

Í gegnum trall mitt á Wikipedia hef ég vanist að skrifa hlutlausar greinar og reynt að forðast að nota svokölluð “weasel”-orð. En nú stendur fyrir dyrum að gera verkefni og ég er ekkert allt of bjartsýn á það vegna þess að maður hefur ekki sömu skoðun um verkefnið og kennarinn. En jæja, ég reyni að harka þetta af mér og pára eitthvað niður...

Only wish that you were here
You know I'm seeing it so clear

Núna í spilun: David Gray - Babylon.

2008-03-02T12:38:00.001Z

Alltaf gott að vera búin að skila skattskýrslunni :) og þess að auki að hafa svona mikið af skattfrjálsum tekjum...

Núna í spilun: Johnny Tillotson - Poetry in Motion

2008-03-01T18:04:00.001Z

Lína mín dó í morgun blessunin :'(

2008-02-29T22:24:00.000Z

Amarok vill hafa coverið af Niflungahringnum fyrir James Blunt. Ekki alveg.

Núna í spilun: Tennessee Ernie Ford - Sixteen Tons.

2008-02-19T14:12:00.002Z

Mói
-Viðkvæmur jarðvegur
-Tæting ALVEG bönnuð
-Vinna hæfilega rakan (Þegar kreist sýni molnar í köggla (ekki í flögur eða salla))
-Plægidýpt 15-25 cm

Og hana nú!

2008-02-08T20:35:00.001Z

Það verður að segjast að ég er letingi. Horfði á eina mynd eftir hádegi og lagði mig svo. Það var ægilega gott. Nema að síminn þurfti auðvitað að vekja mig. Tja, það var nú alveg kominn tími á að fara á fætur.

Svo tók við önnur mynd, hún var ágæt. Netið er í bölvuðu veseni hjá mér þessa dagana og ekkert hægt að vafra. Fór því út í skóla að ná mér í gögn til að geta bara lært eitthvað smá í kvöld.

Ég þarf að redda mér einhvern viðlegubúnað fyrir næstu helgi. Ef það tekst ekki verður það bara sængin sem fær að fara með norður :)

Ég er farin að hlakka til.

2008-02-06T15:24:00.000Z

Aflið sem til þarf
Þrjú atriði má þar til nefna, sem nauðsynleg eru til að komast áfram í heimi efnishyggju og einkavæðingar

1. Gott vald á töluðu- og rituðu máli: Íslenska - enska - danska
2. Þekking: fræðileg þekkin á viðfangsefninu í þessu tilfelli búfræði
3. Peningar: Góður árangur að fjármagni

Þetta skrifaði Sigtryggur '93 og er að fjalla um það í nautgriparækt. Hvað kemur það henni við?!?

2008-02-04T10:24:00.000Z

Sigtryggur er merkilegur fýr. Núna er hann að kenna okkur heimspeki. Í nautgriparækt!

Common.

2008-02-01T08:50:00.000Z

Það er hægt að slá á allt að 17 kílómetra hraða, þá fyrst fer sláttuvélin að sleppa úr.

2008-01-31T12:40:00.000Z

Bæti því við að hugsanlega er gáfulegt að umreikna áburðarkaup síðasta árs yfir í verð ársins. Hugsanlegt að maður taki það að sér um helgina? Plís?

Núna í spilun: 3 Of A Kind - Babycakes.

2008-01-31T12:36:00.000Z

Ég er að hugsa um að skreppa á Suðurlandið um helgina. Slappa af með hundinum annað kvöld og fara svo í Geldingaholt að merkja gimbrarnar á laugardaginn. Alveg kominn tími á það ;)

Annars er bara verið að taka á móti skráningum í búfjárræktarferðina, komnir 19 núna um hádegi sem er bara nokkuð gott. Hver fer að verða síðastur að skrá sig. :)

Núna í spilun: Real McCoy - Another Night.

2008-01-30T09:49:00.000Z

Sætar systur undan Ásnum :)

2008-01-29T09:55:00.000Z

Jæja, ég held að bændur geti bara lagt upp laupana miðað við síðustu áburðarhækkanir.

2008-01-26T22:02:00.000Z

Öll þessi ár hef ég lifað í blekkingu. Taldi að Paul nokkur McCartney, bítill með meiru, syngi lagið Get down (með Gilbert o'Sullivan) en það reyndist rangt því það er hann sjálfur, Gilbert hinn góði, sem syngur lagið. Magnað.

En meintir streptókokkar reyndust “bara” vera skæð hálsbólga svo ég hef ekkert til að afsaka mig með lengur. En ég er öll að skríða saman, vonandi verður drykkjuvandamálið komið í lag á fimmtudaginn.

Í gær var Bóndadagurinn og ég fékk þetta hreint undarlega símtal frá Smára þar sem hann bauð mér gleðilegan dag. “Þú ert eini bóndinn sem ég þekki.” Já, þakka þér fyrir. LOL

Núna í spilun: Bucks Fizz - Making Your Mind Up.

2008-01-23T21:15:00.000Z

Ef að streptókokkar eru ekki ömurlegir þá veit ég ekki hvað. Maður fær ekki einu sinni læknistíma á þessu meinta Vesturlandi...

En mér sýnist vera farið að snjóa aftur, þannig að börnin gleðjast væntanlega sem og sleðafólk.

2008-01-21T21:10:00.000Z

Það er bara allt að verða vitlaust. Horfði á hádegisfréttirnar í dag, bara rólegt þar, en kvöldfréttirnar voru svo stappfullar að það var ekki einu sinni hægt að sjónvarpa veðrinu. Borgarstjórnin í Reykjavík hlýtur að vera það klikkaðasta sem til er. Þau eiga eitthvað bágt þarna fyrir sunnan, satt að segja.

Svona þér/ykkur að segja hef ég nú ekki mikil álit á Framsókn, nema nú hljóta þeir alfarið að deyja út. Bara einn maður eftir. Ekki það að ég vorkenni þeim eða eitthvað...

Svo var Bobby Fischer bara dömpað fyrir utan Laugardælakirkju sem Fúsi Kristins (ooo, Fúsi) byggði á sínum tíma. Gott ég tók mynd af henni áður en þeir komu með þessa tippu þarna. Múhahaha!

Núna í spilun: Phil Collins - In The Air Tonight

2008-01-20T12:31:00.000Z

Ég er nú ekki mikill Linux sérfræðingur en hef þó keyrt Ubuntu í 1 og hálft ár núna. Gott byrjendastýrikerfi var mér sagt. Nema hvað, Dapper Drake var ekki að standa sig. Sífellt þurfti ég að standa í því að formatta harða diskinn og mér sagt að diskurinn væri bilaður. Allt í lagi. Ég trúði því.

Í nóvember kom sá tími að tölvan bilaði á nýjan leik og ég ákvað að fara með hana í viðgerð. Þar var hún í mánuð og á meðan las ég tölvulaus undir lokaprófin. Ekki gaman. En ég get svo sem ekki annað en kennt sjálfri mér um að fara með hana á svona vitlausum tíma.

En hvað með það. Fyrir jól sótti ég hana í viðgerð og setti upp Gutsy. Smá byrjunarörðugleikar reyndust en ekkert sem var ekki hægt að laga með því að taka út usplash og uppfæra ALSA til að fá fram hljóðið. Mikið var ég fegin þegar ég loksins gat hlustað á tónlist. Síðan hefur tölvan hagað sér fádæmlega og gert allt sem ég hef beðið hana um. Þá er bara að þeysa upp á Hvanneyri og sjá hvort maður komi prentaranum til að virka. :)

2008-01-18T21:49:00.000Z

Húha, hér er slatti af snjó. Kom heim á Selfoss um hálf 1 í nótt og svo var brunað upp í Hrepp núna eftir kaffi. Kusurnar segja bara þokklegt, nema Slæðu, já!, tókst að fá júgurbólgu í fyrsta sinn. Merkilegt. Hún átti reyndar kvígu sem líkist Gefn ansi mikið...

2008-01-14T21:54:00.000Z

Jæja, her er madur tha. Koldingfjord hotell i Kollafirdi (Koldingfjord), 4 stjørnur og bara nice. Komum a laugardaginn, tha var farid um Køben; litla hafmeyjan, Jonshus (omerkilegt), hommagardurinn og margt fleira furdulegt. I gær var farid i rutuferd um Jotland, skodad fjos med 275 legubasa og 2x24 mjaltabas med hradutgangi. Tekur 2 menn 1 og halfan tima ad mjolka i hvert mal, alls med um 500 gripi. Kvigurnar eru sendar a kviguhotel fra 6 manada til 22-23 manada, allt eftir tvi hvenær tær eigi ad bera. Svo var "skroppid" til Thyskalands og bordad a McDonalds (ekki thess virdi, en...) og næst var kikt i heimsokn i landbunadarskola sem er med 3 Lely-robota og einhvern slatta af grisum. Fræddum um hversu ædislegt hefdi verid ad fara i skolann thar, fa borgad fyrir ad bædi vera i skolanum og vel borgad i verknaminu. Svo var farid heim (eg gæti hafa gleymt einhverju).

I dag var farid ad skoda verktaka sem er med ansi margar flottar velar, heyjar, bindur halm og selur, keyrir skit og eg veit ekki hvad og hvad. Ansi skemmtilegt. Svo var farid i tjodar-hestamidstod Danans og thar voru sungnar klamvisur i reidhøll drottningar. Fullt af flottum hestum og svona.
Næst var ferd a geitabu, ovænt, eftir ad annad geitabu fell nidur. Thad var freeeekar sjabbi en thad var lifrænt med um 500 geitur, thar af voru 400 mjolkadar. Mjaltabasinn, eda syllan, var fyrir 2x20 en bara 2x10 tæki, ansi snidugt. Svo var farid heim.

Buin ad fara i iskøldu sundlaugina herna a hverju kvøldi en i dag nadum vid amk. ad kaupa bolta svo vid thurfum ekki lengur ad vera med sprungna handakuta. A morgun verdur farid a Agromek og i eina heimsokn. Sama plan a midvikudag nema tha verdur ferd til Kaupmannahafnar, gist thar eina nott og vid niskupukarnir førum heim tha um kvøldid. Eg held thad dugi i bili af DK...

2008-01-11T22:22:00.000Z

Hó, hó.

Play countið á vinsælasta laginu (Rihanna - Don't stop the music) er komið í 37 þrátt fyrir að tölvan hafi fengið nóv-des frí + gott jólafrí.

Svo er það bara Danmörk í nótt/snemma í fyrramálið. Ætti maður að fara að pakka niður? Tíhí...

Núna í spilun: Cascada - Because the night.

2008-01-11T00:05:00.000Z

Hér er ég. Búin að vera í sveitinni að hleypa til og þetta venjulega, klippa kvígurnar, mjólka og hrossast eitthvað. Víkingur (hestur) greyið fékk smá kveisu á meðan Víkingur (hrútur) þverneitaði að láta setja á sig band (hann er krapphyrndur dauðans).

144 gekk loksins núna 9. janúar, hélt henni undir Kóng Raftsson, :) Hann er orðinn nokkuð góður, amk. hægt að nota hann, s.s. 100% bæting.

Fór í bæinn í gær að fylgjast með Landbúnaðarháskólanum í Gettu betur. Gekk betur en í fyrra, en var samt ekki nógu sátt með útkomuna.

Ætli maður fari ekki að sofa, þarf að pakka á morgun og kaupa smá gjaldeyri fyrir Danmerkurferðina.

Núna í spilun: Peter, Bjorn och John - Young folks.

2008-01-05T16:18:00.000Z

Ég er farin að efast um það hvort ég viti hvar ég á heima. Ætlaði að skoða veðurspánna, smellti á Vesturland! Ég held nú barasta ekki!

En já, traktorinn er úti að vinna fyrir nýju ári; hræra í haughúsinu. Fari áburðarsalar ekki að koma með verðskránna fyrir árið verðum við bara að drýgja hina vatnsblönduðu kúamykju og nota hana sem aðal áburðinn. Það er ekkert víst að kusurnar verði sáttar við það.

Ég tók mig til og klippti þrjár kvígur og eina fullorðna núna um daginn, þær voru orðnar svo loðnar. En nú ætla ég að brynna fénu. Þær eru svo þyrstar alltaf :)

2007-12-28T18:01:00.000Z

Þetta er ansi merkileg grein sem segir frá rannsókn á fjósi þar sem meðaltal tanksins var undir 200 þús. allt árið (reyndar bara fjórar prufur yfir 250 þús; prufur teknar á hálfsmánaðarfresti) og þeim mun lægri sem frumutala í kúnni þeim mun erfiðara reyndist það henni að berjast við júgurbólguna sem hún var smituð með. Þannig að maður ætti kannski að vera extra passasamur með þessar j.bólgulausu?

Núna í spilun: Rihanna - Don't stop the music.

2007-12-28T02:04:00.000Z

Ég get nú ekki sagt að tónlistarsafnið hafi stækkað mikið síðan í gær en það er þó alla vega 185 lög! Fjúff, það tekur alveg ~11 klst. að spila það :P En skrítið samt að einhverra hluta vegna hlustar maður bara á einhver rafmagnsbít og drasl + Intervention og 1973.

And though time goes by
I will always be
In a club with you
In 1973

Hrista hausinn, endurtaka bassalínuna og skrifa í takt.

Singing "Here we go again"

Núna í spilun: James Blunt - 1973.

2007-12-26T19:18:00.000Z

Þó að svikull þú sért, ég fyrirgef þér samt...

Tölvan mín er komin í lag, eftir sleitulausa tvo daga í basli með að ná fram hljóði. Nú á ég bara 2 lög á disknum; Allt fyrir ástina með Palla og Intervetion með The Aracde Fire. Ætli maður dragi ekki eitthvað af flakkaranum þegar fram líða stundir. Það eru líka einhverjar myndir í myndavélinni (og kindamyndband, hehe) sem bíða eftir að fá að láta ljós sitt skína.

Hér eru Gunnþór og Beta í mat, verð að segja að mér þykir humar ekki góður þó hann hafi verið vel eldaður af mömmu hálfu.

Núna í spilun: The Arcade Fire - Intervention.

2007-12-19T12:26:00.000Z

Fleiri en ég sem eru húkked á WP. :)

Annars elska ég xkcd, aðeins of fyndið.

2007-12-10T12:31:00.000Z

Ótrúlegt, hreint út sagt! Ekkert minnst á íslendinga í þessari frétt. Hvur þremillinn, það er eitthvað nýtt að íslenskir fjölmiðlamenn geti hinna ísköldu ekki... Framþróun :)

Var í sauðfjárræktarprófi í morgun. Hefði nú alveg mátt læra aðeins meira :( En þetta er allt að verða búið, bústjórn á miðvikudaginn og hrossarækt á föstudag. Það verður gaman.

Ég þarf helst að hringja og athuga með tölvuna mína í dag.

Núna í spilun: The Arcade Fire - Intervention.